Internasionale boerwindhondkampioenskap, bees & skaapkampioenskappe, mode perades tot boeresport & kaskenades. Als gebeur by die BoertjieKontreifees 2012. Hier sal jy 'n lang lys kry van al die kompetisies, aktiwiteite en vermaak vir oud en jonk wat die jaar die BKF wit warm en vol pret sal maak. Skryf jouself nou in vir 'n pretdraf of bergfietswedren of wees 'n toeskouer van al die aksie soos trompoppies en allerlei sport. Altyd pryse om te wen. Kry die inskrywingsvorms hier. Wees daar en bring jou vriende saam.

Obstacles are those frightful things you see when you take your eyes off your goal.

~Henry Ford

Die derde boerwindhondkampioenskap in die wêreld is op Saterdag 1 September 2012 op die Santam Landbou BoertjieKontreifees gehou en honderde boerwindhonde vanoor die land het ingeskryf. Op 1 September 2012 doen ons dit weer! Die Boerwindhond Vereniging is gestig op 12 Mei 2007 waar daar rasstandaarde vir die SA boerwindhond vasgestel is en daardeur keuring gehou word om honde wat aan die rasstandaarde voldoen, te registreer en so die ras te verbeter en net die beste honde te teel.

Die SA boerwindhond is die mees veelsydigste honde ras ter wereld, want die hond word gebruik vir wedrenne, kompetisies om sy ratsheid te toon, beheer van ongediertes, as troeteldier, waghond en skouhond. Een van sy sterkste eienskappe is sy temperament waar hy as een van die beste gesinshonde beskou word. Die honde is liefdevol, gehoorsaam en intelligent en word baie agter op bakkies gesien. Daarby is hulle skoon en betroubaar, het spoed en beweeglikheid en is van koninklike afkoms waar 'n mens hul gereeld in portrette en skilderye saam met koninklikes kan sien. Eenmaal 'n windhondliefhebber, altyd een!

Tydens die BoertjieKontreifees gaan die honde beoordeel word en gaan daar die middag om 17h00 'n parade en prysuitdeling wees waar die groot kampioen aangewys gaan word. Daar is gladdehaar en steekhaar boerwindhonde. Beoordelaars gaan onder andere daarop let dat die kop mooi gevorm is, die ore smal en fyn in tekstuur, die oe donker, helder en intelligent, die nek lank en gespierd, skouers so skuins as moontlik, voorbene heeltemal reguit wat mooi uit die skouers uitkom, 'n diep bors met 'n krom rug, lang kruis met 'n gespierde agterkwart en dat die hond mooi opgetrekte voete en 'n lang fyn stert het. 'n Hond moet dan 'n minimum van 70% kry by 'n keuring om te slaag om in aanmerking te kom vir registrasie.

Indien enige leser meer navrae wil doen oor die besondere honderas, kan Tom by 084 514 5697 kontak. Ons nooi almal uit om na die besonder geleentheid wat die enigste in die wêreld is.

Kom vang gees by die BoertjieKontreifees. Dit is waar jy en jou boerwindhonde moet wees!

Die perde vertoners was laasjaar so beindruk met die hele opset van die fees asook hoe goed dit georganiseerd was, dat hulle tydens groettyd gesë het dat hulle hierdie jaar weer gaan kom kuier. Bultfontein is sentraal gelee met 'n terrein wat oor die nodige perd, skaap en bees fasiliteite beskik waar die vertonings, kompetisies en kampioenskappe van 30 Augustus - 1 SEPTEMBER 2012 gaan plaasvind. Wat dit so besonders maak teen ander vertonings en kampioenskappe is dat die fees aan die vertoners en kuiergaste ander feesvieringe bied om bedags en saans aan deel te neem. Bedags gaan die wie nie hulle perde vertoon of aan 'n kampioenskap deelneem nie, heerlik saamskree met ander feesgangers. Die trompoppies, pienkhandjie netbal, bulletjie rugby, chokkersokker, stoei, boere sport, 4x4 kompetisie asook ander vermaak gaan die adrenalien laat vloei. Voeg daarby al ons kunstenaars asook al die uitstallers en kompetisies en ons saalperdvriende gaan nie hande gevou sit nie! Slegs beoordelaars, baan beamptes, vertoners, ruiters en swart helpers sal gratis kaartjies vir deelname ontvang met toegang by die optredes opsioneel en alle ander gaste, familie en vriende sal ten volle hulle toegang by die hek en optredes saans betaal.

Laasjaar se vertonings was baie goed met 'n wye keuse en ons is verheug om te verneem dat vanjaar se streek kampioenskap vir saalperde weereens aan ons toegeken is. Wenners was verras oor die goeie prysgelde. Ons vra vir alle voornemende deelnemers se bedagsaamheid om asseblief vroegtydig in te skryf en te bespreek sodat die komitee 'n riglyn kan kry vir hoeveel hulle moet gereed maak en ook om genoeg eet en drink goed te bespreek. Kontak Lolla Geyer by 082 466 4022 in verband met saalperde en inskrywingsvorm. Inskrywingsgeld sal voor 'n sperdatum betaal word, elke stal sal vooraf betaal word en daar gaan 'n inskrywings sperdatum wees om dit vir die organiseerders te vergemaklik. Indien jy kanselleer, sal inskrywingsgeld verbeur word. Skakel vir ander inligting Volla by 083 636 1555.

Daar is akkommodasie by die koshuis vir bed en ontbyt deur Charlene Vorster by 082 920 3262 te skakel asook 'n karavaanstaanplek op die terrein by Dawie Strauss by 082 446 9087. 'n Restaurant gaan spesiale goedkoop "platters" vir werknemers maak en daar gaan genoeg te eet en drinke wees.

Wees hierdie jaar by die BoertjieKontreifees en kom vang gees, want dit is waar elke saalperd liefhebber moet wees.

Alle jong kinders wat belangstel om tydens die BoertjieKontreifees op 1 September in 'n vriendskaplike jeugskou waar die Vrystaatse span teenwoordig gaan wees, word hartlik uitgenooi om op Saterdag 1 September vanaf 08H00 gereed te maak om aan 'n vriendskaplike kompetisie deel te neem. Kom seuns en dogters, kom geniet op 'n ontspanne manier die lekkerte om saam met julle diere vriende die middag vir feesgangers te wys dat julle nie een oomblik hoef terug te staan vir die grootmense nie, en geniet dan sommer daarna die toutrekkompetisie en 4x4 tussen die feesgangers en vra pa en ma om die aand saam met jou te geniet.

Pa en Ma, inspireer jou kind en bring hom of haar na die jeugskou. Met hierdie geleentheid word daar aan die kinders die kans gegee om hul liefde vir diere uit te leef en te versterk. Die feeskomitee, saam met die organiseerders van die Jeugskou, poog hiermee om kinders oor alle grense heen te leer om saam te werk, te kompeteer asook om 'n gesindheid te kweek en uit te bou waar die klem op die kwaliteite van die kinders gele word en nie op die dier nie. Hier word die kind alreeds blootgestel aan verantwoordelikhede soos dissipline, liefde, versorging van diere en die ontwikkeling van leiereienskappe om die landbou van ons land aan die jeug bekend te stel en te bevorder. So kan ons nuwe leiers identifiseer om verder te kwalifiseer en omdat hulle die toekoms van Suid Afrika is.

Daar gaan in 'n junior (6-14 jaar) asook 'n senior (14-18 jaar) kategorie deelgeneem word. Alle diere moet ras-eg wees en slegs skoumanskap word beoordeel. Hier word gekyk of die kind die dier kan hanteer en hoe die kind en die dier vertoon. Netheid, spoed en dissipline sal onder andere beoordeel word.