Pageviews: Hit CounterAuto repairs Unique Visitors: Visitor CounterAuto repairs
Santam Landbou
BoertjieKontreifees 2014
4 September TOT 6 september 2014
Bultfontein, Vrystaat
Skou Gronde

Kom vang gees by die Santam Landbou BoertjieKontreifees 2014 saam met kunstenaars soos Theuns Jordaan, Liza Bronner, David Fourie, Kurt Darren, Mwah, Adam en die nimlike Dillon Lerm wat die Seremoniemeester van die fees gaan wees. Geniet die uitstallers, eksoties en tuis. Allerlei sport en vertonings soos 4x4, trompoppies, Gymkana en Perde-boeresport, half marathon hardloop, bergfietswedren, en boeresport. Wen pryse vir beste potjie, Mnr. & Mej. Boertjiefees, allerlei kompetisies vir oud en jonk. Het jy 'n Jack Russel? Klop winskopies met ramveiling en landbou masjinerie. Ondersteun Kansa en verskeie skole. Nêrens om te bly nie? Kom kamp uit met jou tent of karavaan op die fees se karavaanpark. Daar is geen fees met meer uitstallers, gees en woema. Kom ons kyk na vanjaar se Program.


gaan GROOT of gaan OORBOORD.

~Ma'chello S'jet, Boertjiefees KingPin







BKF Terrein Foto

Die Santam Landbou Boertjie Kontreifees is in 2006 met die inisiatief van Volla en Linda du Plessis begin deur die landbouskou te vervang met 'n adrenalienbelaaide program waar feesgangers betrek word met deelname. In 2006 besoek 5000 die fees wat die volgende jaar groei na 9000 en in 2010 na ongeveer 25000. Die uitstallers en vertoners groei tot 300 en om saans 4000+ feesgangers by die kunstenaars te huisves en weersomstandighede te neutraliseer, bou Volla en Linda die Vollassaal. Hulle bou nog 2 vertoonlokale, oor die 100 perdestalle, 400 hondehokke vir hondeskoue, 'n karavaanpark, beesrestaurant, onderdak skaapkrale, lê 2 miniatuur rugby velde aan asook 'n pienkhandjie netbalveld.


Die fees is 'n gemeenskaps-projek met kultuur en kuns as een van die fasette en om toerisme, landbou te bevorder en nuwe landbou meganika te vertoon. Dit bied die veeboer, perd- en hondvertoner 'n kans om te kompeteer en ook om hul liefde te beoefen en te kom vertoon. Die fees is om Bultfontein te bemark en 'n finansiele inspuiting te gee. Die gastehuise, koshuis, hotel en alle akkommodasie is vol en winkels en besighede word ondersteun. Skole, kerke en organisasies kry restaurante en ruimte waar hulle alle wins wat hulle maak vir hul instansie mag neem. Uitstallers in die kontrei en oor hele S.A. doen besigheid op die fees. Die fees bring samehorigheid en saam doen en saam kuier as gesin en familie in die boerdery gemeenskap asook van oor die hele land. Die fees is 'n nie-winsgewende organisasie.

Valid CSS!© 2012 BoertjieKontreifees ™
PICS Rated
All Rights Reserved ®Valid HTML 4.01 Transitional